Кыргыз тил жумалыгы

Кыргыз тил жумалыгынын алкагында билим берүү мекемебизде мугалимдер тарабынан бир катар ачык сабактар жана тарбиялык иш-чаралар жогорку деңгээлде уюштурулуп, ийгиликтүү өткөрүлдү.

Ачык сабактарда мугалимдер заманбап окутуу ыкмаларын колдонуп, окуучулардын кыргыз тилине болгон кызыгуусун арттырууга, ой жүгүртүүсүн өнүктүрүүгө жана өз оюн так, көркөм жеткирүүсүнө өзгөчө көңүл бурушту. 

Ошондой эле жумалыкта адабий кечелер, көркөм окуу, сармерден жана башка иш чаралар уюштурулуп окуучулардын активдүүлүгү байкалды.

Бул иш-чаралар кыргыз тилинин кадыр-баркын көтөрүүгө, мамлекеттик тилге болгон урмат-сыйды бекемдөөгө жана окуучулардын чыгармачылык мүмкүнчүлүктөрүн кеңейтүүгө чоң салым кошту.